Monday, February 1, 2010

తెలుగు కవితలు

* వందమందిలో ఉన్నా..ఒంటరిగానే ఉన్నా, నీ తోడె నాకుంటే..ఈ లొకం నా వెంటే!

* ఆడగకుండానే ఎన్ని కలలొ కళ్ళకి, తెల్లారి లేచి దుప్పటి దులిపితే... సాక్ష్యం లేదు దేనికీ !

* కదిలిపోయె ప్రతి నిమిషాన్ని తడిమి చూస్తున్నా, నీ ఊసుల ఆనంద జ్ఞాపకాలు అతికించాలని !
* ఎన్నో కలలు కంటున్నా, కలైనా నిజమైనా నిజం మరేదైనా... రేపటికి మిగిలేది తీపి గురుతేగా ! 

* బోడి గుండుకి చందమామకి లింకు పెట్టాలని తాపత్రయపడేది
  భావుకతకు బండరాయికి సామ్యం చూపించాలనుకునేది
  గొడావరి నదిలో, గడ్డి మొక్క మదిలో, కష్టం చెప్పాలనుకునేది
  పడిపోతూ ఉంటే, లేవడంలో గొప్పతనం విప్పిచెప్పేది 'కవి హృదయం' !!

* సత్యానికి వాదనకీ మంచితనానికి చేతకానితనానికీ సహనానికి పిరికితనానికీ తేడా తెలియనంతవరకే ఒకలా ఉంటాయి

* ఎక్కుతూ ఉంటే ఎవరెస్ట్ అంత ఎత్తైనా తరిగిపోతుంది తొక్కుతూ ఉంటే సముద్రమంత సహనం కూడా చెదిరిపోతుంది !

Saturday, August 29, 2009

వరం..

నిజమే మరుపు వరం...
ప్రేమ లేదు ద్వేషం లేదు,
కోపం లేదు జాలి లేదు ,
ఉన్నది లేదు లేనిది లేదు ,
తన లేదు పర లేదు
అంతా తెల్లదనం....
జగతి అంచున నిలిచి అందరిని గమనిద్దాం (అనదరిలో మనం ఉంటాం)