శరత్ చంద్రికలలు

శరత్ చంద్రికలలు

కలలు ఆశల వలలు

అరచేతిన మంచు ముత్యాలు
కలలు కన్నుల కళలు

అద్దాన శరత్చంద్రీ కళలు

నిజంగా నిజానివో

మాయమై మళ్ళీ మోహించే

శరత్కాల చంద్రికవో

స్వేచ్చగా విహరించే

చిన్ని రెక్కల పక్షివో

అభినయాల వెల్లువతో

మనసు దోచే కన్నెవో

చంద్ర కళలుండగా

విరిసే కలువలకేమి తక్కువ

కావ్య కన్నెలుండగా

పదాల పొందిక కేమి కొదువ?

కలువ కన్నులుండగా, మళ్ళీ కలువలెందుకు?

శిరుల సిఖలుండగా, మందారాలందుకు !

విరిసె కన్నులన్ని కలువలే...

కురిసే నవ్వులన్నీ మల్లెలే..

ఎన్ని కళలు చూపేనో.. నీ కన్నులు

ఎన్నికలలొ ఆన్ని ఓట్లు వాటికే దాఖలు

చంద్ర కళలకు విరిసి,

సూర్యుని వెలుగులకు సోలిపోయేను కలువలు...

ప్రేయసీ అంతేగా !

ఇంక చాలు ఆపేద్దాం ...

తెలియనిదేదో వెతుకుతూ

అదీ ఇదీ చదువుతావు

నిన్ను నువ్వు చదువకుంటే

ఎన్ని చదివి ఏం లాభం ?

మనసు మండపంలో

అడుగుపెట్టకున్న

మసీదులు మందిరాలు

చూపలేవు ఏ సత్యం !

నిత్యం పోరాటమే

మతం కోసం మోక్షం కోసం

అహం పై ఆ యుద్ధం

అరంభించేదెన్నటికో ??

దిక్కులు వెలిగించే

మదిలో వెలుగులు మరిచిపోయి

చిమ్మ చీకటిలో చుక్కలు

అందుకొనాలని పరుగులు తీసేవు

ఇంక చాలు ఆపేద్దాం

ఎక్కడెక్కడని వెతకడం

ఇక్కడే ఉన్న నిన్ను నువ్వు

తెలుసుకునే సంగతేదో చూద్దాం! 

ఆయ్యినది తలువకు

రేపటిని బ్రమించకు

అతిగా ఆలోచించకు

ప్రతీదీ పరిక్షించకు

అన్నిటిని సరిచెయ్యాలని చూడకు

కాస్త ఊపిరి తీసుకో

ఉక్కిరిబిక్కిరి అవుతున్నావ్

కాస్త బతకడం నేర్చుకో !

-బుల్లే షా అనువాదం