నాకు నేనే చప్పట్లు కొట్టుకునే రంగ మార్తాండని

నేనొక నటుడ్ని

నా జీవిత కధనానికి కధానాయకుణ్ణి,

ఎవరి నటన ఎంతో ఎరుగక

నాకు నేనే తప్పట్లు కొట్టుకునే రంగ మార్తాండని !

అభిప్రాయాల బట్టలేసుకొని

అహపు కిరీటం పెట్టుకొని

మాటల కత్తి పట్టుకుని పొగడ్తల పూల వర్షంలో

కాల గుర్రంపై స్వారీ చేసే చక్రవర్తిని నేను

సంఘటనల సంభావ్యతలలో బంధీయైనా

వాటిని శాసిస్తున్నానుకునే నియంతని నేను !

నేనొక నటుడ్ని

నాది కాని జీవితాలను గొప్పనుకుని,

వాటిని జీవించే నటుడ్ని

నేను కాని పాత్రలలో నా కోసం వెతికే విటుడ్ని

వేషం కడితే మంచి మనసున్న దేవుడ్ని

వేషం తీస్తే అందరిలాగే సదరు జీవుడ్ని !

నేనొక నటుడ్ని

నచ్చిన వారి కోసం నవ్వేస్తాను 

నచ్చని వారినేమో ఏడిపిస్తాను

అర్థంలేని ఆలోచనల సంద్రంలో ముంచేస్తాను

హరివిల్లుకు ఇంకో రెండు రంగులు వేసి

నవరసాలు అవసరాలకు వాడేస్తాను

నేను మాత్రం తప్పు ఒప్పుల గందరగోళంలో బ్రతుకుతుంటాను !

నేనొక నటుడ్ని

జగానికి జన్మిస్తాను

తెలుసుకుంటూనే జీవిస్తాను

తెలియకుండానే మరణిస్తాను

పోయినా బ్రతికుండాలనుకుంటాను !

నేనొక నటుడ్ని

మీడియాల చేపట్టి,

లేనిది ఉన్నట్టు చూపే కనికట్టుగాడ్ని

ఉన్నది లేనట్టు చేసే టక్కుటమారపోడ్ని

నాకున్నదంతా నాదే అనుకునే అహం బ్రహ్మస్మిని

అసలు ఉనికే ఎరుగని సగటు మనిషిని !

నేనొక నటుడ్ని

గతానికి వారధి నేను

వర్తమాన సారధి నేను

రాబోయే కాలంలో చెరిగిపోయే చరిత్ర నేను

మాట మాటకీ రూపం మార్చుకునే అరుదైన జీవిని నేను !

నేనొక నటుడ్ని

వినిపించని కంఠాన్ని నేను, కనిపించని సింహాన్ని నేను

పరిస్తితులకు తగినట్టు నాట్యం ఆడే నటరాజ రూపాన్ని నేను

ప్రపంచ రంగస్థలంలో పౌడర్ కొట్టిన ముఖాన్ని నేను

అదృష్టం కలిసొస్తే ప్రచండం గా

ప్రకాశించు రంగమార్తాండున్ని నేను !

నేనొక నటుడ్ని

అసలు ముఖం అర్థంకాని అమాయకుడ్ని

అవసరంలేని తొమ్మిది తలలు భరించే నటరావణుడ్ని

అలవోకగా ముఖాలు మార్చే మహా నటుణ్ణి

నేనొక నటుడ్ని

కలల అప్సరసల ఇంద్రుడ్ని

ఇంకేది అందని వారికి అందుబాటు చంద్రుడ్ని

ప్రశంసలకు దాసుడ్ని, పైసాకి ఆప్తుడ్ని

గతాన్ని భోంచేస్తూ

భవిష్యత్తులో శ్వాసిస్తూ

వర్తమాణ్మలో అణుక్షణం జీవించే

అల్ప సంతోషిని నేను !

మహా అదృష్టవంతుడిని నేను

ఎక్కలేని చలమేదో ఎక్కాలని కలవరించే

సగటు కళాకారుడ్ని నేను

ఆఖరి శ్వాస వరకు నటనే ఆసరా నాకు

నటుడిగా నన్ను గుర్తించనందుకు

శతకోటి నమస్సులు మీకు !

మేఘావృత ఆకాశం

సాగర్ చాలా తెలివైన పోలిస్. 

ఎంతో కష్ట తరమైన కేసులు కూడా సునాయసంగా ఛేదించేస్తాడు.

కాని, చీమకు కూడా హాని తలపెట్టని తన బాల్య మిత్రుడు,

ఆకాష్ ని ఎవరు చంపాలనుకుంటున్నారో అర్థం కావట్లేదు.

మేఘన మరియు ఆకాష్ ఒకరిని ఒకరు ప్రేమించుకుంటున్నారు.

ఆకాష్ ని చంపాలనుకునే వ్యక్తి మేఘనకు బాగా తెలిసు.

మేఘన ఆకాష్ ని కాపాడుకోవడానికి ప్రయత్నిస్తోందా? లేదా మేఘననే ఇదంతా చేయిస్తోందా?

ఆకాష్ పట్టించిన గంజాయి బేచ్ చంపడానికి ప్రయత్నించారా?

దొంగల పనా లేక పని మనిషా?

అసలు ఆకాష్ కనిపించినంత మంచివాడేనా?

ఎక్కడా ఏ క్లూ దొరకట్లా.

ఎవరు దీని వెనక ఉన్నది?

తెలుసుకోవాలంటే చదవండి, "మేఘావృత ఆకాశం" ప్రతిలిపి లో !

https://telugu.pratilipi.com/series/meghavrita-akasam-by-satya-keerti-v92zgmec0sxb

కథలు, కవితలు, వ్యాసాలు, నవలలు, ధారావాహికలు మొదలైనవి ఉచితంగా చదవండి. యాప్ డౌన్‌లోడ్ చేయండి మరియు 12 భాషల్లో 2.5 మిలియన్ కథలను పొందండి.

లింక్‌పై క్లిక్ చేయండి : https://pratilipi.app.link/te/referral?referral_code=B0NE98I

ప్రతిలిపి యాప్ డౌన్‌లోడ్ చేయండి. సైన్ అప్ చేసి రిఫెరల్ కోడ్ - B0NE98I ఎంటర్ చేయండి

మీరు రిఫెరల్ కోడ్ ఉపయోగించి సైన్ అప్ చేసిన తర్వాత మీకు 5 ప్రతిలిపి నాణేలు లభిస్తాయి.

 డౌన్‌లోడ్ లింక్: https://pratilipi.app.link/te/referral?referral_code=B0NE98I

ప్రతిలిపి కుటుంబంలో భాగం అవ్వండి