ఒక్క అడుగు వెనక్కి
కారు చీకట్లోనో, కళ్ళు మూసుకుపోయో
ఎప్పుడైనా ఒక అడుగు పక్కకుపడితే
లేదా మొదలు అందనంత దూరం పోతే
గుర్తించలేనంత/సరిదిద్దలేనంత అవలికి పోతే
ఒక్క అద్భుత దీపం కావాలనిపిస్తుంది
కాలాన్ని వెనక్కి తిప్పాలని కోరిక
ఒక్క జీవితం మొదలుకి
ఒక్క బాల్యం మొదటికి
ఒక్క నిర్ణయం వెనకకి
కనీసం
ఒక్క కన్నీటి బొట్టు ముందు
విరిసిన నవ్వు కి
ఒక్క పరుషమైన మాట ముందు
ప్రేమ పలుకులకి
ఒక్క శొక తప్త గ్నాపకానికి
ముందు మల్లెల మనసుకు
ఒక్క పయనం సరిదిద్దుకోగలిగితే
ఒక్క అడుగు వెనకకు తీసుకోగలిగితే !!
No comments:
Post a Comment