రండోయి రండి మన సంఘానికి

 రండోయి రండి మన సంఘానికి -దండలేద్దము దండిగా జననికి

మూడు లోకాలలో ముచ్చటైనా తల్లి - వేడుకొన్నోళ్ళ నొళ్లోకి చేర్చే తల్లి

కూడు గుడ్డా బ్రతుకు తెరువు నిచ్చే తల్లి -  తోడు నీడై శుభములిచ్చినాది ||రండోయి రండి||

వీరాధి వీరులను గన్న మనయమ్మరా - ధారాళముగా భక్తవరుల విరజిమ్మెరా

కవులు గాయకులు నిస్వార్ధ నాయకులకే - నెలవైనదీ భూమి అమ్మ అభయమ్ము చే ||రండోయి రండి||

దేశ దేశాల  దీపాలారిపోయినా - దేవతల రాక్షసుల  యుద్ధాలు దొర్లినా

పెను తుఫానులు పెక్కు పెడిబొబ్బలేసినా - మిణుకు మిణుకంటు మన జాతి వెలిగిందిరా 

||రండోయి రండి||

నాది నేనను సోది మరచి పోలేమా - మాది మేమని మనము కలసి రాలేమా

నీతి నియమాల సంకేతాలె సాక్షిగా - గత అనుభవాలతో  ప్రగతి సాధించమా ||రండోయి రండి||